Mabuhay! Ito ang ‘web page’ ng ‘St. George Migrant Resource Centre’. Isinasaad sa pahinang ito ang mga paglilingkod na ibinibigay ng Migrant Resource Centre sa inyong sariling wika.

Una sa lahat, ating tukuyin kung ano ang Migrant Resource Centre.

Ang ‘St George Migrant Resource Centre’ (St. G. MRC) ay isang pang-kumunidad na orgnisasyon na tumutugon sa mga pangangailangan ng mga bagong dating na migrante at ‘refugees’ sa lugal ng St George, lalong-lalo na sa mga bagong dating sa Australia.

Ang mga kawani ng sentro ay makapagbibigay ng impormasyon ukol sa ibat’-ibang isyu tulad ng:

· Imigrasyon

· Paghahanap ng trabaho, pag-aaral at pagsasanay

· Pag-papasuri in kuwalipikasyon galing sa ibayong dagat

· Mga serbisyong pang-kababaihan

· Pag-papaalaga sa bata

· Impormasyon ukol sa pabahay at paghahanap ng tirahan

Ang mga serbisyo ay libre at konpidensiyal. Kung kayo ay nahihirapng maki-pagusap sa wikang Ingles, tumawag sa serbisyong pang interprete sa numerong 133 450 at sila ang tatawag sa sentro para sa inyo.

Minsan sa isang linggo, may kawani o ‘Filipino Community Worker” na pumupunta sa St. G. MRC upang kayo ay tulungan sa inyong suliranin. Ang ‘Filipino Community Worker’ ay naririto sa MRC tuwing Martes. Tawagan ang numerong 9597 5455 upang alamin sa kawani ng opisina ang inyong takdang oras na maaring makipagkita sa binanggit na ‘Filipino Worker.’

Ang St George MRC ay mayroon ding mga serbisyo para sa mga matatanda, mga tagapag-alaga ng may sakit o mayroong kapansanan.

Ang mga sumusunod ay mayroong serbisyo sa inyong sariling wika:

· Multicultural Aged & Disability Services: nagbibigay suporta sa mga taong mahihina, may kapansanan at ang kanilang taga-pagalaga na galing sa lahing di Ingles ang wika. Lahat ng proyekto ay mayroong kawani na dalawa ang wika at kultura upang magbigay suporta sa mga kliyente.

· NESB Access Project: nagbibigay impormasyon, referal at suporta upang tulungan ang mga taong gamitin ang mga serbisyo ng Home and Community Care (HACC) sa lugal ng St George at Sutherland, halimbawa: paglilinis ng bahay, tulong sa sasakyan, pansamantalang pagpapahinga, pag-kukumpuni ng bahay at suportang sosyal. Tumawag sa numerong 9567 0933. Ang serbisyong ito ay walang bayad.

· Multicultural Carers Project: Ang mga taga-pagalaga ay mga taong nagbibigay kalinga sa mga mahihina, matanda, may kapansanan o kaya ay may malubhang karamdaman. Ang proyekto ay nagbibigay impormasyon at suporta sa mga taong ito sa pamamagitan ng pag-tawag sa telepono, pakiki-pagpulong at pamamasyal. Tumawag sa numerong 9567 0933.

· Multicultural Community Aged Care Packages:nagbibigay suporta sa mga taong mahina na, ngunit nais na patuloy na manirahan sa kanilang tahanan upang iwasan ang manirahan sa ‘hostel’ or bahay pang-matanda. Maisasakatuparan ito sa pamamagitan ng pagbibigay ng aruga tulad ng pagpapaligo, pamimili, paglilinis, paghatid sa apoyntment na akma sa pangangalingan ng indibidwal. Tumawag sa 9567 6377.

Mayroong munting bayad sa serbisyong ito.

· Multicultural Day Care & Centre Based Meals: ang serbiyong ito ay nagbibigay ng mga gawang pang sosyal para sa mga taong mahihina at naninirahan sa St. George. Ang grupo ay nagpupulong minsan sa isang linggo. Ang pagkain ay angkop sa kultura at hatid-sundo ng sasakyan sa inyong takdang araw. Minsan sa isang buwan ay namamasyal. Tumawag sa 9567 0933. May munting bayad.

Kung nais ninyong basahin ang impormasyon ukol sa mga serbisyo para sa mga migrante dito sa Australia, gamitin ang kaugnay na website ng Department of Immigration, Multicultural and Indigenous Affairs: www.immi.gov.au/settle/booklets/index.htm

Umaasa ang St. George Migrant Resource Centre na kayo ay makadaupang palad pagdating dito sa St. George sa darating na panahon!

Link to DIMIA Settlement site: www.immi.gov.au/settle/booklets/index.htm